RIVOJLANAYOTGAN BOLAGA ATROFIDAGI INSONLARNING TA’SIRI

Abstract

Ushbu maqolada rivojlanayotgan bolaga atrofidagi insonlarning ta’siri muhokama qilinadi. Oila, maktab, do‘stlar va jamiyat kabi turli omillar bolaning ruhiy, ijtimoiy va intellektual rivojlanishiga qanday ta’sir ko‘rsatishini ko‘rib chiqamiz. Oila bolaga ilk tarbiya manbai sifatida muhim ahamiyatga ega bo‘lib, ota-onalar tomonidan ko‘rsatilgan muhabbat va e’tibor bolaning o‘ziga bo‘lgan ishonchini oshiradi. Maktab va o‘qituvchilar bolaga bilim berish bilan birga, ijtimoiy ko‘nikmalarni shakllantirishda ham katta rol o‘ynaydi. Do‘stlar va tengdoshlar bolaga o‘zini ifodalash va boshqalar bilan muloqot qilishni o‘rgatadi, ammo salbiy do‘stlar uning rivojlanishiga zarar yetkazishi mumkin. Jamiyat esa bolaning dunyoqarashi va ijtimoiy mas’uliyatini shakllantiradi. Shuningdek bola tug‘ilishidan boshlab to rivojlanayotgan paytida bola uchun muloqot juda muhim hisoblanadi. Maqola bolaga atrofidagi insonlarning ta’sirining ijobiy va salbiy tomonlarini tahlil qilib, uning kelajakdagi muvaffaqiyati uchun ahamiyatini ta’kidlaydi.