O‘ZBEK TILSHUNOSLIGIDA NEOLOGIZMLAR VA ULARNING O‘RGANILISHI XUSUSIDA BA’ZI MULOHAZALAR

Abstract

Ma’lum bir davlat boshqa davlatdan hududiy, siyosiy-iqtisodiy, madaniy jihatdan ajratib turadi. Ammo til shunday kuchki, u bu chegaralarni hech qanday to‘siqlarsiz oshib o‘tishi, bir xalqdan boshqa xalqqa ko‘chishi, o‘zlashishi mumkin. Dunyoda birorta ham til yo‘qki, faqatgina o‘z ichki imkoniyatlari bilan boyigan bo‘lsa. Til yangi so‘zlarning yasalishi va bir tildan boshqa tilga kirib kelishi natijasida boyiydi. Toki insoniyat taraqqiyot tomon dadil qadam tashlar ekan, bu qadamlar til taraqqiyotiga-da o‘z ta’sirini o‘tkazmay qo‘ymaydi. Ayniqsa, bugungi tez sur’atlarda texnika va axborot texnologiyalari rivojlanib borayotgan zamonda bu jarayon bir necha barobarga tezlashmoqda. Maqolada yuqorida ta’kidlangan tilning boyliklaridan biri sanalgan neologizmlar haqida atroflicha fikr yuritilgan.